瘋鳥 (Closed)

今日又黎長沙灣搵食，順寧道呢邊好少黎，原來多左咁多餐廳，呢間餐廳個名好得意，等我睇下呢隻雀有幾瘋先！蘋果香煎松阪豬沙律（$68）：一黎到就聞到松阪豬嘅香味，豬煎得好香脆，蘋果好香甜，同松阪豬好夾，沙律用左麻醬，令呢味沙律更添惹味。南瓜汁𩶘魚柳意大利飯（$85）：𩶘魚柳煎得好香，魚肉好香軟，南瓜汁入晒落啲意大利飯到，真係超香超開胃！英式芥末烤牛脷（$53）：芥末同牛脷好夾，牛脷又煎得好香軟，唔會話煎到好硬，切得都好厚，個口感令人一試難忘！分享拼盤（$108）：拼盤有炸雞翼、西蘭花芝士卷、鹽酥菇、薯條。有沙律醬同埋芝士醬比你點，好邪惡，但我中意！我最中意係西蘭花芝士卷，西蘭花好香，加左芝士好惹味，口感係香軟嘅，唔會好漏。芒果橙沙冰（$48）：芒果同橙一直都係我認為嘅最佳配搭，再一次證明佢地真係好夾！唔會好甜，飲得出無額外再加糖水。手工啤酒（$48）：呢隻手工啤酒飲落好濃麥味，但聞落有陣水果味，睇番ingredients入面係無生果，好神奇！朋友好中意，酒精濃度只有4.8%，絕對唔會令人飲到斷片。選得一讚嘅係無乜點落味精，食完之後唔會好口喝，所有味道都係真材實料；價錢又唔貴，行番去青山道有好