Video
Read full review
2020-06-29
529 views
如果要計正正經經食一餐潮州菜嘅話，我諗呢日係第一次。食慣高級食府嘅朋友帶咗我嚟陳儀興品嚐正宗嘅潮州菜，齋望門面已經覺得好骨子✨。一入餐廳已經見到坐滿人，好彩朋友訂咗枱，店員仲話今日Walk-in無位添！星期三晚上都咁爆，真誇張🙈。餐廳有兩層，並設有客𨋢，唔洗爬樓梯，不過其實座位唔算太多。我哋無得坐大廳位置，因為應該被其他人訂咗嚟聚餐，真可惜😣。我哋細閲餐牌之際，店員先為我哋送上功夫茶🍵，杯仔細細，好精緻。朋友講解功夫茶係指個烘焙泡茶嘅方式特別講究。餐牌有好多版，圖文並茂，好清晰👍，有圖有真相，始終潮州菜好少食，有好多菜式就咁睇個名都唔知乜嚟。朋友發辦，每個類別都叫啲試下，跟佢食就好了。前菜應該係涼拌苦瓜，不過酸味多過苦味😳，開胃。生醃瀨尿蝦Marinated Mantis Shrimp($198)，我唔太喜歡平日煮熟咗嘅瀨尿蝦質感，因為肉身唔夠彈牙，蝦膏又實。點知原來生醃嘅處理方法係咁好食😋！瀨尿蝦唔腥之餘，仲好鮮甜，第一次生食先知咁正。生醃嘅醬汁帶點微微蒜辣同酒香，好惹味，但絕不會重口味，而且並沒有蓋過海鮮嘅鮮味。我朋友直頭想叫碗白飯食個汁😉。瀨尿蝦係一般尺寸，唔係特大嗰種，餐廳好細
如果要計正正經經食一餐潮州菜嘅話，我諗呢日係第一次。食慣高級食府嘅朋友帶咗我嚟陳儀興品嚐正宗嘅潮州菜，齋望門面已經覺得好骨子✨。
一入餐廳已經見到坐滿人，好彩朋友訂咗枱，店員仲話今日Walk-in無位添！星期三晚上都咁爆，真誇張🙈。
餐廳有兩層，並設有客𨋢，唔洗爬樓梯，不過其實座位唔算太多。我哋無得坐大廳位置，因為應該被其他人訂咗嚟聚餐，真可惜😣。
我哋細閲餐牌之際，店員先為我哋送上功夫茶🍵，杯仔細細，好精緻。朋友講解功夫茶係指個烘焙泡茶嘅方式特別講究。
餐牌有好多版，圖文並茂，好清晰👍，有圖有真相，始終潮州菜好少食，有好多菜式就咁睇個名都唔知乜嚟。朋友發辦，每個類別都叫啲試下，跟佢食就好了。
前菜應該係涼拌苦瓜，不過酸味多過苦味😳，開胃。
生醃瀨尿蝦
$198
51 views
1 likes
0 comments
生醃瀨尿蝦
$198
9 views
0 likes
0 comments
魚露浸花甲
$158
21 views
0 likes
0 comments
鵝三寶
$228
15 views
0 likes
0 comments
二十年老菜甫燉鮮豬肚
$68
13 views
0 likes
0 comments
潮州方味拼盤($108)，即係包括四件傳統炸蝦棗Deep-fried Minced Shrimps Dumbling同四件古法炸粿肉Deep-fried Minced Pork and Water Chestnuts Dumpling，咁就可以一次過滿足兩個願望，食哂兩款口味！蝦棗係全日最失色的😳，唔係難食，但我以為係蝦丸好彈牙嘅口感，點知似免治蝦肉🦐再加馬蹄粒，唔通係潮州特色？炸粿肉就比較特別，食落感覺好豐富，因為餡料夠厚夠多，仲有啲似炸山竹牛肉，但我知係豬肉🐷。
陳年老菜甫肉碎粥
$68
17 views
0 likes
0 comments
陳年老菜甫肉碎粥
$68
12 views
0 likes
0 comments
福果甜芋泥
$45
22 views
0 likes
0 comments
雪耳馬蹄綠豆爽
$45
12 views
0 likes
0 comments
我哋亦都試咗兩杯潮汕飲品，分別係烏豆水Black Soya Bean Drink($20)同老藥桔Preserved Kumquat Drink($20)。兩杯味道都幾獨特，口味清香，唔會太甜，但估唔到老藥桔🍊嗰杯比烏豆水濃味，可以一試。
菊花茶Chrysanthemum Tea($12/位)，雖然叫咗飲品，但食中菜點都要飲番杯熱茶嘅，我哋叫咗菊花茶🌼，一邊嘆茶，一邊品嘗佳餚，一樂也！
總括嚟講，呢餐陳儀興簡直係好食到返唔到轉頭嘅潮州菜😋，我宜家會有興趣試吓打冷！題外話，手功菜係要預訂先有㗎，所以呢日未能一嚐。餐廳有好多菜式都係以每位收費，但叫嘅量唔需要按人頭計算。除咗食物味道同用料方面，餐廳亦有注重上菜嘅次序同節奏，佢哋係會等我哋食完一道菜之後，先至上下一道，抵讚！
Post
