Video
Read full review
2022-08-17
66 views
餐廳選址鄰近地鐵站(柯士甸站/佐敦站)，格局仿似日本居酒屋，位置闊落舒適，望見其他食客枱面碗碟風格同紋路都充斥日本風🎏。一埋位店員已經熱情介紹店舖熱賣食品同當日嘅時令海鮮🦀🐙，落單上菜速度都夠快手，務求即燒即起菜即食，唔會攤凍哂啲食物。⚜️蟶子王&燒珍寶大元貝一開始已聽店員介紹佢地每日都會去街市挑選時令海鮮食材🦐🦞，所以我地都想試下就揀咗蟶子王同燒珍寶大元貝，上菜時已感受到海鮮肉質飽滿，師傅🧑🏻🍳亦相當周到處理好可以一夾即食，唔會黏殼。燒珍寶大元貝同蟶子王一睇個SIZE就知不枉其名。蟶子王肉質肥美、爽口彈牙，用特製蒜蓉醬、辣椒🌶、青蔥調味，惹味之餘同時帶出食材鮮味；燒珍寶大元貝肉質飽滿、鮮嫩，師傅好有想法用飛魚籽加多重口感同鮮味，洋溢住濃郁嘅海洋氣色。⚜️燒日本廣島生蠔🦪/兩隻一上菜就睇得出肉質嫩滑，蠔殼承載住滿滿湯汁同時保留住肉身嫩度，鮮味到連蠔帶汁一啖滑落喉嚨。⚜️燒法式鵝肝多士/份鵝肝熟度完美，完全冇Overcooked，外脆內軟，幾乎入口就融化👍🏻，相當Creamy👅，配上多士吸收鵝肝嘅精華同時去除膩感。⚜️燒鮮白鱔/串燒鮮白鱔口感爽脆鮮甜，表皮燒到微微焦香，燒致上色既好睇👀又好食，
⚜️蟶子王&燒珍寶大元貝
一開始已聽店員介紹佢地每日都會去街市挑選時令海鮮食材🦐🦞，所以我地都想試下就揀咗蟶子王同燒珍寶大元貝，上菜時已感受到海鮮肉質飽滿，師傅🧑🏻🍳亦相當周到處理好可以一夾即食，唔會黏殼。燒珍寶大元貝同蟶子王一睇個SIZE就知不枉其名。蟶子王肉質肥美、爽口彈牙，用特製蒜蓉醬、辣椒🌶、青蔥調味，惹味之餘同時帶出食材鮮味；燒珍寶大元貝肉質飽滿、鮮嫩，師傅好有想法用飛魚籽加多重口感同鮮味，洋溢住濃郁嘅海洋氣色。
⚜️燒日本廣島生蠔🦪/兩隻
一上菜就睇得出肉質嫩滑，蠔殼承載住滿滿湯汁同時保留住肉身嫩度，鮮味到連蠔帶汁一啖滑落喉嚨。
⚜️燒法式鵝肝多士/份
鵝肝熟度完美，完全冇Overcooked，外脆內軟，幾乎入口就融化👍🏻，相當Creamy👅，配上多士吸收鵝肝嘅精華同時去除膩感。
⚜️燒鮮白鱔/串
燒鮮白鱔口感爽脆鮮甜，表皮燒到微微焦香，燒致上色既好睇👀又好食，醬汁調味恰到好處，唔會過甜過膩，第一啖咬落肉感有爽有脆有滑，魚油🐟同肉汁緊緊鎖係魚肉當中，再一大啖咬落去感受到滿滿嘅膠原蛋白🧏🏻♀️，相當滿足。
⚜️燒金菇肥牛卷/串
肥牛燒至脆身，金菇保留住水份同時爽口，用燒汁提味，配搭米飯🍚一定食冇停。
⚜️燒特級厚切牛🐂脷心/串
食開厚切牛脷一定最怕韌，咬唔開時會顯得好狼狽。而呢串牛脷本身已經夠好，再加上師傅燒功，只係簡單用鹽同黑椒🫙，將表面燒至焦香，用牙輕輕一壓即可撕開，爽口得黎完全唔韌，入面保留住嫩滑同肉汁💦，食落牛味濃郁油脂甘香。
⚜️燒羊肉串
其實好多人鍾意食羊肉🐑獨有香氣但同時都會怕羶，呢串羊肉完全冇呢個問題，將表皮燒得微焦，肉質肥瘦均秤，口感柔軟得黎油份又可以帶出焦香，調味嘅麻辣🌶唔會蓋過羊味，完全帶出川味特色。
⚜️川香肉碎燒茄子/份
同一般串燒店嘅原條燒茄子🍆唔同，上碟時已經好貼心咁去哂皮，方便哂啲平時唔鍾意連皮食仲要慢慢撕肉嘅人，茄肉表面鋪滿特調川辣醬🌶同埋豬肉碎，配上辣油相當惹味令人一口接一口食唔停👄。
⚜️川燒豆腐/份
仿似炸臭豆腐嘅口感，外皮脆口，入面豆腐肉仲保持住嫩滑，唔會乾身得黎亦冇炸嘅油膩感，處理得十分好。木魚花🐟點綴鋪面，豆腐熱力帶起淡淡香氣，食起黎意外地夾；伴碟有豆瓣醬，可以滿足喜愛食辣嘅人轉多種口味。
⚜️桃雪杷🍑
作為結尾甜點，賣相已經吸引，將內籠桃肉挑空，填滿雪杷原桃奉上，口感🫦有少少似沙冰🧊但更加SMOOTH，桃味非常清爽解膩，埋尾完全冇負擔。
⚜️青檸荔枝梳打🍸
荔枝味鮮甜香濃，配搭起酸爽的檸檬🍋，唔搶味之餘相當清新，食烤物🍢去油膩感一流。
Post
