Video
Read full review
2011-07-31
13 views
第一次黎＂利小館＂，估唔到咁好食！ 由於book左位，所以唔駛等，雖然規定左食嘅時間只有75分鐘，不過佢上菜速度都算快，所以用膳時間都叫做足夠！另一樣估唔到嘅係，呢度茶介每位只係收$3，又真係好抵喎！我地一行6個人，總共叫左11樣野食，當中有小食有小菜有飯有麵又有甜品，初頭都驚住佢會細細碟、唔夠飽，但原來份量都十足，而且又夠足料，味道仲幾好味添！ 金蒜拍青瓜：估唔到咁大碟，而且味道比傳統上海菜館還要好，Ｄ蒜蓉同醬汁同青瓜好夾好入味！一句講晒：＂好得！＂佢仲加左元茜，真係好香口，令人食到停唔到口！ 木魚燒茄子：又係大大碟，木魚同茄子都咁多，份量十足！煎香的茄子好香口，唔駛點汁都好好食！ 蘿蔔絲酥餅：一碟三件，外面Ｄ酥皮一層一層的，好香好鬆化！餡料只見珍珠白色一pat，食唔出蘿蔔味！ 冰燒三層肉：一碟九件！層皮極脆！！！多肉少肥，一口一舊！正！ 賽磅蟹：白滑有味，用黎送飯一流！個人認為，如果加埋雞蛋撈勻就仲好！ 荷葉飯：好入味，但欠缺荷葉香，同埋Ｄ配料太少！ 油鹽海中蝦煎麵：麵脆而冇油，感覺唔肥膩！Ｄ蝦大大隻，啖啖肉，炸到卜卜脆，由頭到尾都可以食晒落肚！ 嫩雞煨麵：有滑滑唔黐牙嘅雞絲，彈
第一次黎＂利小館＂，估唔到咁好食！ 由於book左位，所以唔駛等，雖然規定左食嘅時間只有75分鐘，不過佢上菜速度都算快，所以用膳時間都叫做足夠！另一樣估唔到嘅係，呢度茶介每位只係收$3，又真係好抵喎！
我地一行6個人，總共叫左11樣野食，當中有小食有小菜有飯有麵又有甜品，初頭都驚住佢會細細碟、唔夠飽，但原來份量都十足，而且又夠足料，味道仲幾好味添！
金蒜拍青瓜：估唔到咁大碟，而且味道比傳統上海菜館還要好，Ｄ蒜蓉同醬汁同青瓜好夾好入味！一句講晒：＂好得！＂佢仲加左元茜，真係好香口，令人食到停唔到口！
木魚燒茄子：又係大大碟，木魚同茄子都咁多，份量十足！煎香的茄子好香口，唔駛點汁都好好食！
蘿蔔絲酥餅：一碟三件，外面Ｄ酥皮一層一層的，好香好鬆化！餡料只見珍珠白色一pat，食唔出蘿蔔味！
冰燒三層肉：一碟九件！層皮極脆！！！多肉少肥，一口一舊！正！
賽磅蟹：白滑有味，用黎送飯一流！個人認為，如果加埋雞蛋撈勻就仲好！
荷葉飯：好入味，但欠缺荷葉香，同埋Ｄ配料太少！
油鹽海中蝦煎麵：麵脆而冇油，感覺唔肥膩！Ｄ蝦大大隻，啖啖肉，炸到卜卜脆，由頭到尾都可以食晒落肚！
嫩雞煨麵：有滑滑唔黐牙嘅雞絲，彈牙靚麵，同埋白菜仔！總括黎講清怡得黎個湯底仲係白色架，簡單的一碗麵但一絲不苟，可見師傅落足功夫泡製！
炸銀絲卷：不過不失，仲有煉奶俾你點黎食！
小籠包：一籠四隻，雖然未有入口即爆湯情況出現，味道都算ＯＫ啦！
高力豆沙：一碟三粒，每粒暖暖輕軟！略嫌Ｄ豆沙餡太少，而且得三隻唔太夠喉！
Post
