Video
Read full review
2019-07-03
137 views
朋友要離開香港，約食飯當然食啲外地少見嘅嘢啦！最後佢揀咗呢間日式居酒屋。我哋一開門就入去，未到飯點，一個客都未有侍應姐姐話隨便坐，揀角落窗邊位，兩個人坐四人位，坐得舒服先食得多嘛兩個人食唔到幾多，首先落個必食邪惡包邪惡包係用紫菜包生菜包帶子包鵝肝，聽落有啲似高級版麥兜紙包雞包紙紫菜係一大塊摺幾摺，上到嚟都仲係脆嘅食肉獸本來好驚生菜，因為平時食沙律覺得勁苦，好在呢個生菜爽脆鮮甜帶子正正常常，鵝肝反而有驚喜！又滑又綿。成個加埋口感豐富，味道好有層次，互相之間又夠夾大廚諗到真係好勁一開頭無留意邪惡包有咩，結果重複叫咗石板黑松露牛油帶子牛油帶子本來就係必定好食，一上嚟加埋石板ｓａｓａ聲，望住都流口水一入口，帶子熟得剛剛好，又有熟食嘅一絲絲口感，又有本來嘅鮮味，再加上牛油同日式燒汁，吊埋佢嘅香濃出嚟打打下字都想再返去食多次！反而似乎係加分位嘅黑松露香味尚可，有啲雞肋但只係$88，你仲想點呢？厚燒牛舌心朋友原本覺得食牛舌好噁心，但自從上次被我帶去日本牛舌專門店後，就愛上牛舌。今次試下香港嘅日式厚燒牛舌如何火候正好，牛舌講度有嚼勁但唔靭，而且調味屬於我哋講嘅「吊味」唔係重口味呢度嘅牛舌食完真係會令人
最後佢揀咗呢間日式居酒屋。
我哋一開門就入去，未到飯點，一個客都未有
侍應姐姐話隨便坐，揀角落窗邊位，兩個人坐四人位，坐得舒服先食得多嘛
兩個人食唔到幾多，首先落個必食邪惡包
邪惡包
3 views
0 likes
0 comments
紫菜係一大塊摺幾摺，上到嚟都仲係脆嘅
食肉獸本來好驚生菜，因為平時食沙律覺得勁苦，好在呢個生菜爽脆鮮甜
帶子正正常常，鵝肝反而有驚喜！又滑又綿。
成個加埋口感豐富，味道好有層次，互相之間又夠夾
大廚諗到真係好勁
一開頭無留意邪惡包有咩，結果重複叫咗石板黑松露牛油帶子
石板黑松露牛油帶子
6 views
0 likes
0 comments
一入口，帶子熟得剛剛好，又有熟食嘅一絲絲口感，又有本來嘅鮮味，再加上牛油同日式燒汁，吊埋佢嘅香濃出嚟
打打下字都想再返去食多次！
反而似乎係加分位嘅黑松露香味尚可，有啲雞肋
但只係$88，你仲想點呢？
厚燒牛舌心
厚燒牛舌芯
3 views
0 likes
0 comments
今次試下香港嘅日式厚燒牛舌如何
火候正好，牛舌講度有嚼勁但唔靭，而且調味屬於我哋講嘅「吊味」唔係重口味
呢度嘅牛舌食完真係會令人有幸福感，非常值得一試！
京蔥雞肉串
京蔥雞肉串
5 views
0 likes
0 comments
京蔥唔知點解唔香，平時食開都係外層燒到香脆，裡面依然嫩滑，仲要有少少蔬菜清甜，
加上係燒時流／沾到嘅雞油
可惜，師傅燒緊京蔥雞肉串嘅時可能無留意時間，雞肉同京蔥都好乾
晚餐始終需要一個主食，我哋都係食肉獸，蒜片牛柳粒石鍋飯就最適合啦！
蒜片牛柳粒石鍋飯
12 views
0 likes
0 comments
牛柳粒煎定燒到好香，大概7-8成熟啦，口感唔會靭唔會鞋，入口仲有肉汁添！
呢間餐廳嘅醬汁好正，重點係，個汁好夾飯呀！！
我應該可以一人食曬成個石鍋
美中不足之處在於蒜片唔夠脆，失去香味之餘又好易攝牙，亦破壞咗成個飯嘅口感
Post
