尚青商號 (Moved) New Location

尚青係出名嘅排隊店，是日星期日，6:00pm到埗，剛剛第一輪晚飯嘅入座，等咗多過半個鐘，先至到我哋入去食。其實要排隊我都預咗，不過間鋪真係冇乜冷氣，排隊熱到出晒汗，到坐低都唔覺得真係涼。我嗰日叫咗鴨血煲，$78，好足料，好多舊鴨血，仲有少少貢丸，豆腐，配冬粉。真心覺得抵，香港買一盒盒嗰啲鴨血$50-$60得兩、三塊鴨血，尚青講緊係佢嘅三倍。我覺得最出色嘅係豆腐，佢嘅豆腐有少少煙韌，同香港食到嘅好唔同。佢成個鴨血煲都算幾辣，好夠香。