Video
Read full review
2016-10-31
846 views
現崇山，我一直都以為係無雷公咁遠，原來只係係黃大仙廟對面~一大班朋友約左去個度食飯~一行入個商場，已經見到呢間超大的越南餐廳~ 坐低睇餐牌，幾抵食喎話哂係商場餐廳，竟然一個越南河粉都係 HKD38, 一碟豬扒飯都係 45蚊~ 好似時光倒流番去九十年代咁~家下快餐店都唔止呢個價啦~~T.T 黎個前菜 酸辣無骨鳳爪 HKD 55 唔好睇佢好似細細碟咁，其實份量好多，因為無骨疊埋哂一齊，食極都仲有 鳳爪好爽脆，酸辣味很開胃，酸多辣少。 作為嗜辣既我覺得辣度可以再多Ｄ就更好～ 椰林仙踪 - HKD 26朋友點的，好大杯呀，而且仲好靚～一上枱我地就係咁影影影～ 朋友話很香椰奶味，沙冰都好綿綿～ 另一個朋友點左呢個 榴槤沙冰 - HKD26 榴槤味好清香，朋友話唔太甜，好好飲 2個朋友都話呢度沙冰好得，冰打得好幼滑，好似Smoothies 下次黎要試下先~ 越式咖喱牛腩～焗蒜蓉飽很香的咖喱味，但唔係好辣個隻～ 最正係個牛腩～好淋，但又好有咬感～ 牛油雞翼 - $55 (4隻) 呢個菜攞過獎架，當然要試下啦～ 個皮又脆又鬆化，離遠已聞到好香既牛油味~ 個皮炸得香脆，但D肉依然KEEP
一大班朋友約左去個度食飯~
一行入個商場，已經見到呢間超大的越南餐廳~
坐低睇餐牌，幾抵食喎話哂係商場餐廳，竟然一個越南河粉都係 HKD38, 一碟豬扒飯都係 45蚊~
好似時光倒流番去九十年代咁~家下快餐店都唔止呢個價啦~~T.T
黎個前菜酸辣無骨鳳爪
HKD 55
唔好睇佢好似細細碟咁，其實份量好多，因為無骨疊埋哂一齊，食極都仲有
鳳爪好爽脆，酸辣味很開胃，酸多辣少。作為嗜辣既我覺得辣度可以再多Ｄ就更好～
椰林仙踪 - HKD 26
朋友點的，好大杯呀，而且仲好靚～一上枱我地就係咁影影影～
朋友話很香椰奶味，沙冰都好綿綿～另一個朋友點左呢個
榴槤沙冰 - HKD26
榴槤味好清香，朋友話唔太甜，好好飲
2個朋友都話呢度沙冰好得，冰打得好幼滑，好似Smoothies下次黎要試下先~
越式咖喱牛腩～焗蒜蓉飽
很香的咖喱味，但唔係好辣個隻～
最正係個牛腩～好淋，但又好有咬感～
牛油雞翼 - $55 (4隻)
呢個菜攞過獎架，當然要試下啦～
個皮又脆又鬆化，離遠已聞到好香既牛油味~
個皮炸得香脆，但D肉依然KEEP到好JUICY~隻衰豬食得幾滋味~HAHA
好油嗎？有少少，因為佢叫牛油雞翼嘛~HAHA~串燒併盤 - HKD 80 (6串)
豬/牛/雞 都有~
呢度既串燒好得，得在燒得有焦香，但肉仲好JUICY, 唔係乾到變柴皮個D~個沙嗲汁先係靈魂呀，唔係好辣，但好香的黃薑、香草味~
特色併盤 - $128
呢個併盤真係好大堆頭
有蝦餅，燻蹄，扎肉，炸扎肉，扎肉雞絲蝦片
蝦餅唔同平時既炸個隻，薄薄地, 炸扎肉都係第一次食咋，幾得意~燻蹄好爽口，而且一D都唔肥膩
最鐘意扎肉雞絲蝦片
蝦片好鬆化，扎肉同雞絲混埋上面的醃製過既蒽食，好野味
P.S. 真係好鐘意食呢種醃製過既蒽, 勁好味
唯一缺點係個好多野，食個時好易跌到一地都係~HAHA~ 除非一啖食哂囉~越式炒雜菜 - $58
食越南野，好鐘意食呢D炒雜菜
因為佢混左D唔知咩醬落去炒，特別惹味~
當然，最緊要係真係雜菜，唔係菜頭菜尾囉~
法式黑椒牛柳粒紅飯 - $82呢個飯，如果同小朋友黎一定要叫
我囡食到唔停口
個牛柳粒好嫩，開頭仲驚阿囡咁大舊咬唔到，點知佢已秒殺左~@@
牛柳粒同之前既牛腩有D同，淋好多，無一絲絲的肉質，但好嫩滑~
個汁甜甜地，加埋個好軟綿綿的紅飯我囡KO 左一碗 (但之前已經食左好多野~HAHA)
之後仲成日問我幾時再黎食呢個飯~ @@
呢度原來仲有下午茶套餐，超抵食 (同大XX個D一樣價呀)下次去開黃大仙廟，可以黎呢度食番個TEA 喎~
Post
