STEKKA MASTER

Open Now

Now Closed

高街呢一頭嘅晚餐一向唔平，但呢間餐廳嘅性價比，實在令人喜出望外！份量方面，一個set dinner其實都夠兩個人食 （如果屬於細食嘅人）。水牛芝士好大份，口感好似雪糕咁，附有沙律，點橄欖油食好香，番茄也有兩種，味道是新鮮的。我向來不太喜歡食麵包，但呢間嘅麵包就做得軟綿綿，外脆內暖，十分好食，一連食哂三塊。牛扒出乎意料地大份 ！在香港食牛扒，有時幾百蚊都可能會中伏，但呢份就唔韌（我叫了五成熟），無乜渣，亦好有肉味。薯仔燶邊，有少少bbq嘅感覺。總共連服務費都係273，最後都係食唔哂，要打包走。臨近聖誕，周圍西餐廳有啲已開始起價，但呢間仍然未起價，而且仲好抵食，完全唔似呢個地段餐廳會有嘅價錢，而且service 都唔錯，令人驚喜。