鋿晶館

Open Now

Now Closed

荃灣沙咀道呢間新式點心店抵食又好食，點心款式好多，價錢好大眾化，仲要唔使收茶錢，夜晚想食點心，都有好去處，佢而家做緊周年優惠，推出咗好多優惠，真係超抵食。最重要係食物質素相當唔錯！蒸飯套餐蒸飯套餐有一個海鮮籠仔飯+養生雞湯+油菜，海鮮龍仔飯係上面鋪咗好多龍躉魚，魚好滑，而且份量好多，飯加咗好多蒜蓉去蒸，好香，吸晒魚嘅鮮味，個湯都相當唔錯，落足料，有好多雞同蟲草花試咗佢幾款點心，鮮蝦菜苗餃、香煎韭菜餅、奶皇包、上湯浸鮮竹卷，全部點心都好有水準，而且全部係即叫即蒸，上枱速度亦都好快，非常滿意