蘇媽.蘇媽馬來西亞茶餐室 (Closed)

尖沙咀有間好得意嘅馬來西亞茶餐廳叫做瘦嗎，佢外面更加有一間相連嘅酒吧叫做蘇bar（爸），咁樣講完，係咪即刻覺得好得意呢？講真嗰句，呢度裝修有懷舊風，服務態度好，嘢食都唔錯，所以如果有朋友喺外國返嚟，呢度都係我一定會帶佢哋嚟嘅地方。首先要左個推介嘅豬腳彎入骨茶，其實就係pork knee，呢到湯任加的，所以冇需要慳住慳住咁飲，食得好暢快，另外好鍾意呢度個肉骨茶有好重藥材味！另外要左個高佬麵配雞扒，份量超多，雞排好大塊！休眠唔會過客，味道調校得剛剛好！至於甜品方面，就要咗個椰香嘉欣多士，呢個都係推介產品，而我通常食馬來西亞菜都必定係叫呢個做甜品，佢入面有好多kaya，超正。另外一提就係呢到d野飲都幾好味，唔會太甜，我地要左似水榴槤嘅特飲，基本上就係sugarcane juice，同埋一杯美祿暴龍。