覓食家

Open Now

Now Closed

雖然我住元朗，但距離呢邊步行需要近半個鐘，一直想試但冇意欲行咁遠過黎。其實如果你住呢邊又或者專登搭車入黎，對你地冇影響，佢舖位置有少許難搵，係條巷入面，有google map都要再兜兩兜先搵到！都幾多人慕名而來，等左好一陣，咁岩有人走我先有位，舖面唔大，我見到同我同期黎嘅都等左好耐先入到，除非好似我地咁一兩個人就快少少啦！入面坐位都幾迫，必須搭枱！坐得唔舒服，我唔高架，隻腳都屈住！講咁耐到食物啦，真係好大隻吖，一個女仔食唔晒架！薯餅就冇人贏得過麥當當架啦！配沙律，係茶餐廳嘅味道，我最鍾意呢，唔係亂丟罐頭雜果果隻！配飲品，都好大杯吖！雞脾好食！香脆肉嫩！不過平心而論，而家市面上好多餐廳都做到呢個質素嘅炸雞脾，而且太大隻，開頭食係好食，食極都仲係雞脾感覺有少少乾少少寡！係好食嘅，但專登走咁遠食，我又唔覺值喎！