Kuru Kuru自家製手作意粉 (Closed)

行行下街肚餓，就揀左呢間手製意粉食。舖面細細，不過望落感覺舒服，坐位分左3個section. 一邊卡位，一邊係近舖外嘅單邊位，仲有店中間嘅三角形枱，適合自己一個食，亦都適合同幾個朋友黎食。中間三角形枱入面嘅空間都無浪費，放左綠色植物作為裝飾，加上天花上面嘅燈同樣裝飾，有少少係叢林嘅感覺。牆中畫左佢地自裝意粉嘅步驟，令人可以了解下自己食左咩。同朋友被安排坐單邊位，有少少嘈，不過都未到被滋擾嘅程度。不過當日舖面只有2個侍應，仲要同時應付水吧工作，所以落單都等左一段時間。蕃茄辣醬意粉，賣相唔錯，叫左2辛，有少少辣，蕃茄嘅酸味適中，平時唔太鍾意食蕃茄味意粉，擔心會太酸，不過呢個幾好食。即磨咖啡好好飲，咖啡香味濃郁溶岩芝士溫泉玉子卡邦尼大盛意粉，賣相無蕃茄辣醬意粉咁吸引，芝士太稠，同意粉難以撈匀，不過味道好好，意粉好彈牙，食得出意粉嘅形狀。