台南皇麵線 (Closed)

我係好鍾意食台式麵線，但喺香港唔係咁容易食到。呢間皇麵線算係我食過最有台灣風味嘅一間。價錢唔貴，廿零蚊就有一碗，配料ok, 味道正宗，湯底唔係淨係得個咸字，麵線軟硬適中，比起一般喺台式餐廳食嘅麵線真係好食好多。仲有蘿蔔蓉同辣菜甫，配埋一齊真係好惹味！好有台灣夜市嘅味道！配料有好多唔同選擇，唔係淨係得蚵仔同大腸咁單調。一般都係叫一個細麵線，食完仲有quota掃其他小食，正！見到仲有魯肉飯同擔仔麵，下次可以再試。