天丼

Open Now

Now Closed

係我瘋狂睇完黑白大廚之後，就一直開始好想食天婦羅飯！今日晚餐諗唔到食咩，經過見到終於唔使排隊！就決定試吓啦！呢個天婦羅飯啲嘢唔會炸得好油，全部都好香脆。天婦羅有個特別嘅地方就係，平時一啲我唔鐘意食嘅嘢炸完就覺得好味咗好多！例如秋葵！仲有最重要嘅係個天婦羅汁，呢個汁啱啱好，又可以消除咗一啲炸物嘅油味。呢個飯嘅餸都唔算少，仲配咗一碗麵豉湯，但飲品就冇啦！佢仲同滿記甜品店做緊Crossover ，不過個甜品就冇乜特色。好似仲差過去滿記堂食。所以建議大家去嘅話食返天婦羅就得啦。