泰坊 (Closed)

第一次寫食評。第2次黎呢到食午餐。都係咁料足份量足。豬肉濕炒河：豬肉唔會un，雜菜足料，河粉唔係普通茶餐廳幼河，係好粗片河粉，有咬口。汁既味道唔會咸，剛剛好。食物好夠熱。仲有冬瓜湯送。泰式沙嗲牛肉金邊粉配火腿炒蛋多士：沙嗲味差少少，不過不失。牛肉中唔係“那”牛，但唔un，多士係丹麥多士，加分。炒蛋好大份。見有人話侍應態度差，我覺得還好。大部份員工係泰國人，有時佢地講野粗聲氣，但無惡意，我d泰國同事都係咁。但作為服務業可能要留意下。餐廳環境闊落，衛生ok。