名人火鍋 (Closed)

昨晚同老公想打邊爐，就黎咗哩間個個都讚好嘅名人火鍋！地點有點偏僻，冇人介紹根本唔知哩度有間火鍋店！由於時間尚早所以冇乜人不用等位！一坐落就即時點咗個瑤柱冬瓜螺頭湯底，再點其他配料！嘩，上枱了！立即試了一下湯底，很清甜又多料，正！鱔片很新鮮，夠厚！手打蝦丸墨丸就普普通通，冇乜特別！經朋友介紹，我哋第一次試牛胸油！入口好似食緊成啖肥糕😑個人認為唔多好食，可能我唔識欣賞！另外，極品牛頸脊不得不提，雖然成二百六蚊係細！但真係好正，好重牛肉味，嫩滑唔un！炸魚皮亦都好新鮮冇油益，侍應都好好禮貌，最後埋單要成七舊水！雖然感覺有點貴，但始終一分錢一分貨，總括係新鮮好食，感覺良好，會再來幫襯的！