大頭蝦南風海鮮酒家

Open Now

Now Closed

香港嘅大排檔真係買少見少。一間好食服務又好既大排檔真係好難得～🍖燒味雙拼$138 好大碟下，色澤靚，個燒肉個皮超脆，燒鴨大大嚿，啖啖肉，鴨油好香。🥬豆豉鯪魚炒油麥菜$72 菜好新鮮好爽， 好有鑊氣。🐓啫啫雞煲$92 豬膶同雞肉好嫩，好香濃，夠惹味～🍧楊枝甘露$35 好唔錯，幾多料下，又夠凍～🍽️野食一d都唔馬虎，樣樣真材實料～🐷我見到佢有人即場炭燒乳豬，好正咁，下次一定要黎再試～💁‍♀️💁‍♂️服務好唔錯，又有熱水洗碗碟，我地揀左坐室外，又幫我地點蚊香。見到個疑似老闆既男士同熟客打成一片，又好友善，係間好有人情味既食肆。🚍位置唔難搵，響北大嶼山醫院旁邊。地鐵巴士總站搭到北大嶼山醫院/逸東邨居逸樓（幾分鐘車程就到）。