Fantasy KiTchen

Open Now

Now Closed

我平時都唔係咁常寫食評，但係今日踩單車去沙田，經過河畔花園去咗呢間餐廳午餐，真心幾好，所以寫番篇。呢間餐廳唔大，大概只有20個座位。喺政府嘅防疫措施之下，大概只可以坐到10多個人。間餐廳有set 午餐，已經包左餐包、小沙律、主食。另外亦包括餐湯或汽水。雖然無配餐飲，但加$10多元可配即磨咖啡。主食有幾款意粉、西班牙豬扒、慢煮春雞（係碎上，唔難處理）、牛扒等等，可配白飯或薯菜，個薯菜係紫薯蓉，幾好食。加$20元左右有甜品，今日係木糠布甸，都幾好食。我哋兩大兩小叫咗三個餐，$300左右埋單，覺得幾抵食。另外每臺都有一大支搓手液、喺疫情下都好方便顧客。