叄壽司凍肉專門店

Open Now

Now Closed

今日行過見到新開咗間外賣店，一於試下。位於屯門虹橋，叫叄壽司凍肉專門店。首先係原條鰻魚飯。鰻魚肉質鮮嫩，烤得恰到好處，飯粒香軟，加埋鰻魚醬汁，味道更加突出。每一口都能夠感受到鰻魚嘅豐富口感。再嚟就係佢哋嘅火炙珍寶蟹棒壽司。蟹肉鮮甜多汁，火炙過後更加帶出咗蟹肉嘅香味。如果你鍾意芝士同三文魚，佢哋嘅火炙芝士三文魚壽司都幾好。三文魚鮮美滑嫩，火炙過後芝士融化咗，配合壽司飯一齊食，味道鮮美。值得一讚係壽司飯握得好實，出面好少見。除咗壽司之外，仲試咗佢哋嘅雞軟骨粒，酥脆多汁，食落有啲嚼勁。另外，佢哋嘅拉麵配辛辣湯非常出色，湯底濃郁，配料豐富，一碗食落去真係令人有記憶點。 冇expect 壽司鋪拉麵咁好食，極度推介試下👍👍。最後，佢哋嘅叉燒都絕對值得一試。叉燒肉質鮮嫩多汁，入口即化，肉汁充滿口中。我平時唔中意食拉麵叉燒，但呢個真係好食！