Hugo Le Resto Grill (Closed)

一個星期四嘅晚上， 夜幕低垂， 帶著疲倦嘅身軀， 嚟到呢間餐廳， 諗住充充電， 食番餐好嘅。餐廳裝潢雅緻， 座位尚算寬敞， 最吸引我嘅地方係，佢係一個半自助形式嘅餐廳， 沙律吧有蔬果同海鮮任食。頭盤係麵包同干邑龍蝦湯。 麵包烤到外脆內軟好好食，至於龍蝦湯方面， 個人覺得都算唔錯， 好creamy， 不過龍蝦味唔夠重。打開menu 嚟得扒房梗係要試下佢嘅扒啦， 主菜叫咗佢嘅肉眼扒，另外叫咗一個海鮮黑松露意大利飯。雖然肉眼扒比較細塊不過七成熟都處理得剛剛好， 而且伴菜嘅薯條，配埋黑松露沙律醬，好好食， 味道好夾。再嚟就係海鮮黑松露意大利飯， 個人覺得海鮮少咗啲，基本上就係面頭兩隻大蝦跟住就冇啦，下邊個黑松露意大利飯稍為黑松露味欠缺咗少少唔夠濃，如果可以黑松露味再濃沃啲就更加好。至於餐茶方面都係凍檸茶同奶茶，奶茶味真係一般般，凍檸茶茶底都還算香濃。