麻甩雞

Open Now

Now Closed

麻甩雞由幾位年輕既麻甩仔主理，其實佢地一啲都唔麻甩，仲對煮食好有熱誠，響繁忙時間，偶爾幾個老闆會齊齊落場，見佢地忙碌之中，互相挖掘笑料，排緊隊等外賣時，也忍唔住笑出黎。麻甩雞開左大概半年，久唔久加餸都會幫襯佢地，事關唔貴之餘，啲雞真係幾好食幾滑。滿滿雞油香既油飯好好食，下次要加多盒淨油飯先得。天氣咁熱，今日加左個手撕雞冷麵，幾十蚊大大份，青bｂ既菠菜麵望落已經好醒神，有屋企人原本唔食青瓜，佢居然唔知食緊青瓜，😂😂😂仲話咩麵點解會咁爽既。酸辣鳳爪係另１個每次必點菜式，佢個汁調得啱啱好，唔會酸到搶喉，呢ｄ小食好適合依家食，好醒胃。