Video
Read full review
2010-03-01
8 views
日式放題，俾人o既感覺係唔新鮮同將貨就價，身為中環藍領，雖然窮，但總有食碗屋中午o既1-2次o既經驗，曾經驗證過碗屋刺身o既新鮮。睇o左幾次食評，食家個個都話好好食，所以，我就忍痛去食一次~友人同我2個人，可能係咁，可以即日book 到檯，2個人只可以有2個menu，所以我o地唔要火鍋，食鐵板燒同爐端燒，當然唔少得係刺身啦~刺身，我o地除o左魷魚之外，其他咩都有叫，喜好次序係︰池魚 - 赤貝 - 帶子 - 劍魚腩 - 三文魚 - 鱆紅魚 - 甜蝦 - 吞拿魚 - 希靈魚，值得一提係池魚同赤貝，奄過o既池魚加上蟹子，有少少薑味，有黃色同紅色，黃色係比較好味。而赤貝，我未食過咁肥美同鮮甜。其他刺身亦好新鮮，唔係年紀大，唔得食咁多生冷o野，我o地真係會只食刺身回本...爐端燒，我o地叫o左︰羊鞍、雞軟骨、雞翼、焗雜菇同豆腐，爐端燒味道有d比下去，尤其雞翼，太細同唔入味，最好食係雞軟骨~因為坐正鐵板燒，所以叫o既o野比較多︰牛仔骨 (比較肥，唔好)、牛舌 (燒得o岩o岩好~)、燒蠔 (正!!)、帶子 (刺身好食d)、鮮蝦 (好食)、銀鱈魚 (燒得o岩o岩好~)、多春魚 (燒得o岩o岩好~)、餃
睇o左幾次食評，食家個個都話好好食，所以，我就忍痛去食一次~
友人同我2個人，可能係咁，可以即日book 到檯，2個人只可以有2個menu，所以我o地唔要火鍋，食鐵板燒同爐端燒，當然唔少得係刺身啦~
刺身，我o地除o左魷魚之外，其他咩都有叫，喜好次序係︰池魚 - 赤貝 - 帶子 - 劍魚腩 - 三文魚 - 鱆紅魚 - 甜蝦 - 吞拿魚 - 希靈魚，值得一提係池魚同赤貝，奄過o既池魚加上蟹子，有少少薑味，有黃色同紅色，黃色係比較好味。而赤貝，我未食過咁肥美同鮮甜。其他刺身亦好新鮮，唔係年紀大，唔得食咁多生冷o野，我o地真係會只食刺身回本...
爐端燒，我o地叫o左︰羊鞍、雞軟骨、雞翼、焗雜菇同豆腐，爐端燒味道有d比下去，尤其雞翼，太細同唔入味，最好食係雞軟骨~
因為坐正鐵板燒，所以叫o既o野比較多︰牛仔骨 (比較肥，唔好)、牛舌 (燒得o岩o岩好~)、燒蠔 (正!!)、帶子 (刺身好食d)、鮮蝦 (好食)、銀鱈魚 (燒得o岩o岩好~)、多春魚 (燒得o岩o岩好~)、餃子 (愛餃子o既友人話好好食~)、炒飯 (好香!)同和風沙律 (個汁好好食~)，最值得推介係燒蠔，第一次order，蛋漿係o岩o岩好，不過第2次時，就蛋漿過多喇~ 仲有就係個炒飯，一粒粒ga! 炒得好香，又乾，不過如果佢唔加bacon會仲好!!
總體o黎講，係好值得食，服務唔太差，miss 單情況唔多，個芒果雪糕好香，如果可以叫多次就好喇~ 不過，食物款式唔多，尤其刺身同壽司，大部份都重覆，應該要注意下，尤其3月就加價到300幾蚊...
http://hk.myblog.yahoo.com/ultrabearhk/article?new=1&mid=157
Post
