一碗麵 (Closed)

之前行過星街就非常好奇點解有間鋪頭可以賣一碗中式麵叫價$150 一碗。經過一番思想爭紮， 覺得無論咩麵都好， 日式拉麵又好，意大利麵又好， 做得好食有信心就會叫哩個價。 終於的起心肝，同老婆兩個人去試。研究咗一陣菜單我同老婆分別叫咗兩碗面，我叫咗蔥香三蝦下面老婆就叫咗火腿肘子面同埋前菜素鴨。數啱係前菜有腐竹豆類製品製成食落有層次，咬口。蔥香三蝦面真係好好食。湯底真係由鮮蝦熬製而成。 湯底鮮甜充滿蝦味，一啲味精都冇。一飲上癮。店主話係有地中海紅蝦熬製而成。 如果煮過紅蝦湯底嘅人一飲就知。老婆叫嘅就肘子麵就非常誇張，真係成隻豬手放落碗面入面。豬皮充滿膠質但入面嘅肉做到一疏疏咁食落有金華火腿嘅質感， 肉味甘香而咸淡有度，食到停唔到。如果食日式拉麵食到悶， 不妨換下口味。 一試有驚喜。