Steak Bar (Closed)

已經好耐無食過吉列牛，好掛住…所以特登book左呢間餐廳。入座後，店員見第一次光顧都會簡單介紹返餐牌、牛既部位同肉質。每份定食會包沙律、前菜同飯素白飯。*頂級板腱牛扒 7oz $218 (每日限量)如果唔鐘意太多油花，呢個部位就最適合，脂肪少，但肉味濃。五成熟出到黎啱啱好，色澤粉嫩，口感好軟腍，即使唔落岩鹽/ 燒汁都已經好夠味。*吉列炸牛扒定食 $188送餐時，店員已經預先放牛油在鐵板細爐上，預熱五分鐘可以開始煎。牛肉係採用Prime grade的牛頸脊部位，油脂分布均勻，用爐輕輕煎牛肉兩邊，令外層更鬆脆，口感外脆內軟。另外值得一讚炸粉做得幾好，唔會甩粉整到個爐好多炸衣碎，而且燒牛過程完全唔會黐石板。P.S. 餐廳通風系統幾好，唔會有一大陣油煙味。