Home Sweet Home (Closed)

今次食呢間home sweet home都有小小驚喜既，位於太子但係裝潢一啲都唔低級氣氛都唔錯既，餐廳內唔算好大同都好闊落最岩三五知己黎食。今次我同我朋友點左兩個set分別係肉眼扒配薯仔粒同牛柳配焗龍蝦，前菜主題都係一口既分別有一口呑拿魚，菠菜龍蝦湯同一個芝士酥。個人覺得呑拿魚幾好食肉質尙算易入口同唔會太腥，而芝士酥食落香口而唔油，最後用一個杯仔裝湯感覺特別味道還好。野食叫左玫瑰荔枝蜜，味道唔會太假。主菜部份首先講呢個肉眼扒配薯仔粒，薯仔粒係好食脆同夠熱，肉眼扒我去叫左四成熟睇落唔算生加埋個汁其實真係認真唔錯值得一戰。而另一方面就係牛柳配焗龍蝦，牛柳肉質都好嫩滑但可以更生一啲，而隻龍蝦真係失色左成隻龍蝦得個一點點肉分多俾個人食都唔得。味道算係中上但係溫度唔夠熱再加上上菜速度太慢差啲餓親。最後配送呢個迷你心太軟，朱古力味濃而又美味，真係值得推介。總結黎講唔建議大食或者唔等得既朋友去因爲食完好似我咁係完全唔夠飽要出去再補食同埋等既時間較長可能會餓親人呢。