Video
Read full review
2009-03-15
28 views
朋友Mandy 3月15號生日,我同朋友李太&佢老公約咗佢去金利來食坊,預祝佢牛一啦.我朋友李太已經早幾日打電話黎,提議去金利來啦食飯啦,哈...我正有此意,因為記得第一次去呢度,都係同李太&其他朋友一齊黎食,覺得呢度D野好好食,所以舉腳都贊成啦.我地約咗7:15分係金利來等,先到先罷位,我係比佢地先到,我去到個陣,入面舖已經冇晒4個人位要係出面食,咁都冇計啦,出面食仲有風味啦.出面D位有野遮擋既地方都比人罷晒,得番電視機前面個位,咁都OK啦,有得睇電視.大家坐定定之後,大家選菜式啦,我地選咗豆豉鯪魚炒油墨菜,沙拉骨,椒鹽軟殼蟹,芝士焗扇貝伊麵.等咗15分鐘左右,D菜黎啦,第一碟黎既係椒鹽軟殼蟹,黎到咁陣,個個都話,嘩....好大碟呀!食落仲好好味,70元一大碟,抵呀!然後就陸陸續續黎齊,沙拉骨又係好大碟,好好味,不過又係一件起,兩件止,因為都幾漏.芝士焗扇貝伊麵,D扇貝真係好大隻,但D伊麵如果多番少少咁就好啦,可能我地大食.但份量其實好足.豆豉鯪魚炒油墨菜又係炒得好好味又大碟食到其實八八九九既時候,李太提議叫多一碟菜,本來係諗住炒清菜,後尾見到後面個枱食緊蘿蔔清湯腩,於是又叫咗一窩,
我朋友李太已經早幾日打電話黎,提議去金利來啦食飯啦,哈...我正有此意,因為記得第一次去呢度,都係同李太&其他朋友一齊黎食,覺得呢度D野好好食,所以舉腳都贊成啦.
我地約咗7:15分係金利來等,先到先罷位,我係比佢地先到,我去到個陣,入面舖已經冇晒4個人位要係出面食,咁都冇計啦,出面食仲有風味啦.
出面D位有野遮擋既地方都比人罷晒,得番電視機前面個位,咁都OK啦,有得睇電視.
大家坐定定之後,大家選菜式啦,我地選咗豆豉鯪魚炒油墨菜,沙拉骨,椒鹽軟殼蟹,芝士焗扇貝伊麵.
等咗15分鐘左右,D菜黎啦,第一碟黎既係椒鹽軟殼蟹,黎到咁陣,個個都話,嘩....好大碟呀!食落仲好好味,70元一大碟,抵呀!
然後就陸陸續續黎齊,沙拉骨又係好大碟,好好味,不過又係一件起,兩件止,因為都幾漏.
芝士焗扇貝伊麵,D扇貝真係好大隻,但D伊麵如果多番少少咁就好啦,可能我地大食.但份量其實好足.
豆豉鯪魚炒油墨菜又係炒得好好味又大碟
食到其實八八九九既時候,李太提議叫多一碟菜,本來係諗住炒清菜,後尾見到後面個枱食緊蘿蔔清湯腩,於是又叫咗一窩,問老板價錢,老板話,食野唔好問價錢,我話哦,黎到發現65元既價錢,咁多牛腩,真係超值呀.
是晚叫了五個菜一枝啤酒,總數都係$350元,真係抵.
P.S. 係叫蘿蔔清湯腩個陣,老板每人俾咗一張名片給各人,原來係新舖地址,想繼續食好野.請大家記住呢個地址啦.
九龍灣宏照道13號地下,
榮發工業中心
Post
