Dodam Chicken (1亞太中心) (Closed)

今日去到觀塘食飯，觀塘多野食就係人都知，不過地方就好分散。我地去到1亞太中心呢間Dodam Chicken，韓國食物真係我杯茶，我地兩個人就叫左香脆辣雞、芝士年糕拉麵。炸雞人人都鍾意食，不過我就怕原味炸雞唔夠過癮，所以叫左呢款，炸雞配辣醬，炸雞掛汁啱啱好，唔會食到成口都係汁。炸雞辣度剛好，唔會太over，外皮炸得啱啱好，入面重係好juicy，如果大家係食肉獸既話，兩個人叫一盤就差唔多，因為真係好大份，都有超過10件雞，如果細食既朋友就可以嗌半份。另外一樣食物我地叫左芝士年糕拉麵，係熱辣辣既鐵板上面有年糕、炒麵、魚糕、泡菜、蛋，好好味道，辣度啱啱好，絕對係誠意推介。下次一定要再黎，因為見佢有鹹蛋黃炸雞同炸魷魚！