Video
Read full review
2019-09-21
873 views
Weekend唔想出去人迫人，想安安靜靜 舒舒服服過個星期六揀左位置比較偏遠既牽晴間悠悠閒閒食個all day breakfast地方算寛敞，加上落地玻璃令環境更開揚雖然得街景，但採光唔錯，坐得幾舒服星期六既三點幾四點，人唔算多，揀左角落頭位坐梳化餐牌唔係薄廁廁一張紙，係有啲質感既板唔會用得耐啲邊位皺晒晦晒咁餐廳都有啲裝飾，細節位ok餐廳選擇都算多，小食沙律意粉飯漢堡每樣分別都有好幾個選擇今日專程黎食all day breakfast，叫左最大份既怪獸早餐 加多$15 要多份pancake 兩個人share跟餐有杯野飲，奶茶/紅茶/綠茶 冷熱都唔洗加錢亦可轉特飲-$10有諗過飲Match Latte，但最後都係叫左凍奶茶奶茶落左比較多奶，比較淺色既奶茶飲落茶味唔算突出，淡淡既茶味奶味就好出，係類似茶餐廳咖啡奶/食涼粉個隻奶既味道成杯感覺唔係茶餐廳港式奶茶，類似英式奶茶唔算甜，個人幾滿意杯奶茶，黎到食西式早餐就係想飲番杯英式奶茶All day 都等左一陣子先到，好足料既一碟 $128比較特別係egg benedict唔係用muffin which我幾鐘意因為平時muffin乾淨淨又偏硬，
揀左位置比較偏遠既牽晴間悠悠閒閒食個all day breakfast
地方算寛敞，加上落地玻璃令環境更開揚
雖然得街景，但採光唔錯，坐得幾舒服
星期六既三點幾四點，人唔算多，揀左角落頭位坐梳化
餐牌唔係薄廁廁一張紙，係有啲質感既板
唔會用得耐啲邊位皺晒晦晒咁
餐廳都有啲裝飾，細節位ok
餐廳選擇都算多，小食沙律意粉飯漢堡每樣分別都有好幾個選擇
今日專程黎食all day breakfast，叫左最大份既怪獸早餐 加多$15 要多份pancake 兩個人share
跟餐有杯野飲，奶茶/紅茶/綠茶 冷熱都唔洗加錢
亦可轉特飲-$10
有諗過飲Match Latte，但最後都係叫左凍奶茶
奶茶落左比較多奶，比較淺色既奶茶
飲落茶味唔算突出，淡淡既茶味
奶味就好出，係類似茶餐廳咖啡奶/食涼粉個隻奶既味道
成杯感覺唔係茶餐廳港式奶茶，類似英式奶茶
唔算甜，個人幾滿意杯奶茶，黎到食西式早餐就係想飲番杯英式奶茶
All day 都等左一陣子先到，好足料既一碟 $128
比較特別係egg benedict唔係用muffin which我幾鐘意
因為平時muffin乾淨淨又偏硬，佢用左wheat toast
雖然得個邊比較脆，中間係偏韌，但食落口感好過muffin
而且火腿好大塊，遮住晒塊包
Hollandaise sauce 偏稀但味道可以
切開隻蛋，流心的，滿意
一啖火腿+蛋
一啖煙三文魚+火腿+蛋
一啖煙肉+煙三文魚+火腿+蛋
非常滿足 🥰
薯餅好香脆，食得出係岩岩炸出黎
而且有隔過油唔會整到成碟油淋淋
香腸有三條，除左香草腸比較好食
其他兩條都普通，尤其個人麻麻地司華力腸
磨菇係雞脾菇切片，幾新鮮但無咩味
可以自己落鹽調味
粟米正常，應該係蒸唔係炒，好處係唔會令立立粒粒都係油
牛角包可能放耐左先食，唔熱，但意外地酥香
咬落去唔算脆但食到好多層，而且牛油香好出
另外追加既熱香餅我地最後先食，可能係咁食個時凍晒，偏硬
味道正常無特別香味，反而個蜜糖幾香，搽少少食落口食個口腔都充斥住蜜糖既香味
本身有諗過叫埋甜品，但真係太飽
唯有下次啦
因為無坐爆，我地都坐左成兩個鐘，
期間職員無趕人或不耐，仲幫我地加水
服務唔錯👍🏻
唯一要彈既地方係枱面有啲飯粒，抹枱抹得唔乾淨
耐唔耐想relax下黎食個brunch係個唔錯既選擇
Post
