吉列牛忌廉烏冬專門店 (百樂中心) (Closed)

燒牛牛又記起時代廣場背後的百樂中心，位置方便唔駛等位，食物美味套餐唔貴幾抵食，間中食下都唔錯。套餐二 $246吉列牛定食 + 咖喱忌廉烏冬(小辣) + 2飲品吉列牛定食定食包有飯、麵豉湯、冷豆腐、車厘茄。牛牛用熱石爐慢慢燒幾過癮，十小塊夠燒兩轉，牛肉粉嫩唔韌，仲有吉列脆脆口感幾特別，熱食的確好味。咖喱忌廉雞肉烏冬上次食過今次再encore。白雪雪厚厚嘅忌廉覆蓋住香濃嘅咖喱烏冬。稻庭烏冬口感柔滑煙韌彈牙，每條烏冬都好掛汁，忌廉令烏冬帶來滑滑口感，配埋嫩滑雞肉非常好食，咖啡汁好味到一滴都唔放過。Rose Garden好香的玫瑰味，似係溝荔枝味梳打，味道清香甜美可口，好飲。Passion punch百香果梳打甜度適中，果香清甜，唔錯。雞軟骨餃子 $38餃子四件煎得香口唔油膩，味道一般，食到零碎的雞軟骨有啲口感。