水飯鏜 (Closed)

今日搵地方食lunch，本來想搵另一間黃店但唔知點解搵唔到，跟住見到呢度，收銀處貼左連豬，餐牌都未睇就入去坐低。好細嘅店但唔算好逼，餐牌比較似台灣野，我哋叫左胡椒豬肚雞湯麵同蟲草花雞湯麵加熱奶茶。熱奶茶香滑，朋友好鍾意，我就鍾意茶味再濃啲。兩個雞湯都好香但放麵就偏淡，不過宜家就飲埋啲湯都唔怕；餸好足夠，有食極都有嘅感覺；雞好淋滑，好好味。整體來講係會推介俾人同會再黎食嘅。支持黃店，更支持用心做出好味道嘅黃店。