河內越式料理

Open Now

Now Closed

雖然已經有小小秋意，但無減我對越式凍撈檬的喜愛，今日午飯時間，選擇這間越式料理食個撈檬👉餐廳裝修佈置得好有越南風情feel，坐得幾舒服。我跟同事要了個優惠二人餐$198主食可自選河粉或撈檬兩碗，小食安南鮮蝦紙米卷1客/或越式香茅雞翼4隻（2選1款），田園灼時蔬1碟和飲品兩杯（特飲無需再加錢👍）。雞絲湯粉：湯底味道極濃郁，河粉滑身，雞絲份量都幾多，嫩滑唔嚡口，配有蔥粒、芽菜、炸乾蔥、洋蔥絲和九層塔，青檸辣椒分開上，我因應個人喜好加減，全碗湯粉超級好食😋扎肉撈檬：扎肉彈牙爽口，檬粉軟硬適中，配料超多，有青瓜絲、紅蘿蔔絲、洋蔥絲、青瓜絲、芽菜、椰菜絲、乾蔥蒜等，撈檬嘅靈魂就係魚露酸甜汁，調教得相當好，酸甜適中，開胃惹味，正👍安南鮮蝦紙米卷：煙煙韌韌的米紙包紅蘿蔔絲、青瓜、檬粉、蝦仁、薄荷葉…. 蘸些魚露酸甜汁一起食，清甜可口。田園灼時蔬：新鮮爽脆。椰汁三色冰和椰果椰汁西米露，兩杯椰汁味都好濃，都很大杯，又好味又解渴🍹❣️聽見店員同客人講，外賣有八五折，更加抵食。