泰濃麵 (樂道)

Open Now

Now Closed

同朋友去咗泰濃麵，呢間餐廳主打泰國粉麵，幾唔錯。黑豚肉冬陰功湯金邊粉，$74呢個冬陰功湯好正，一上枱就聞到陣陣酸辣香氣。湯底濃郁，酸辣味啱啱好，酸得夠開胃，辣得嚟又唔會太過火。冬陰功湯底就配有蝦，蟹柳，青口😚，黑豚肉片嫩滑，帶有少少脂香，配埋彈牙嘅金邊粉，每啖都吸哂湯嘅精華，食完個胃好暖。海南雞飯，$69雞肉煮得好嫩滑，皮薄肉厚，完全唔會乾柴，配埋特製嘅海南雞醬汁，雞味十足。飯煮得粒粒分明，帶有淡淡嘅雞油香，每一啖飯都充滿雞味，好滿足泰式鳳爪，$49酸辣味好開胃，好爽口，啲酸味仲令鳳爪嘅膠質感覺更加突出，好開胃。青檸梳打，$29呢個飲品清爽解膩，青檸嘅酸味配埋梳打水嘅氣泡，飲完好清新，配埋濃味嘅泰國麵就啱晒喇。