Mee...lemongrass (Closed)

呢間新開的泰國餐廳，令住在呢區的人，可以又多一個地方食野。呢到位置於市中心，店面好大，坐得好舒服而且好光猛，係我最喜歡的環境。再睇餐牌，有好多選擇，大路野基本都有得食，而且價錢都是$70左右，都算OK。因為區內的茶餐廳都係咁上下價格。芭提雅蝦醬炒飯$78，份量如果再多D就好，因為都好好食，可惜就少左D，要就住同朋友SHARE食~~唔好意思食太多。春卷撈檬粉 $68 春卷好好食，好脆而且入面既素菜同粉絲都好味~檬粉稍為硬左少少，總體都好食。地道串燒(牛、雞) $68，串燒可以每款兩串，味道尚可。清炒時蔬 $68，油略多左D，不過都好大碟，而且唔會太咸。