棠記海鮮小廚

Open Now

Now Closed

今天約了朋友到黃金海岸行逛，並即興到三聖食海鮮、嘆啤酒。兩個人來到三聖，因為即興的緣故，我們沒有到海鮮街買海鮮，反而直接去餐廳order。我們行了幾間舖頭，最後選了棠記，價錢實惠，食物質素高，我們都非常滿意。首先來的是豉椒炒魷魚，魷魚新鮮、非常厚身，口感、味道一流。跟住來的是咕嚕肉，咕嚕肉走過油，溶了的糖掛在肉面，甜甜酸酸，超級好食！仲有燒菠蘿！菠蘿超甜、清香，同咕嚕肉好夾！接著的是金銀蛋浸莧菜，莧菜青嫩，配上金銀蛋，提升了菜湯的層次，令菜湯更鮮更甜。來到三聖，梗係叫支大啤，啤啤佢啦！