Garrett Popcorn (Closed)

經過觀塘，見到有呢間爆谷店，以前分店冇咁多嘅時候，會特登去中環或者又一城買爆谷，而家分店開多咗，可以隨時隨地都買黎食。今次買咗一包焦糖脆脆。一打開，一陣好香嘅焦糖味即刻擁出嚟，一粒粒爆谷炒滿焦糖，焦糖好平均咁包裹着爆谷，睇落已經好想食啦！食一粒，外面脆，入面香。爆谷炒滿焦糖，嗰種好甜嘅味道真係聞到都好想食，入口好香甜好可口，忍唔住食咗半包，不過要注意嘅係，食得多真係覺得太甜啦，所以一次過係唔應該食咁多，同朋友仔分享最好。