瑪哈巴 (Closed)

約咗一班朋友慶祝其中一位生日，主角就想搞搞新意思，揀長呢間中東餐廳，有得睇有得食。 點解 ？下面話你知。牙籤羊肉 將羊肉串喺一支支牙籤上面 ，好方便，重點係佢將啲羊肉烤到好香口，唔會太重羊騷味 ，羊肉同香料混合埋一齊昇華到一個層次，令到所有人一口接一口咁食 ，結果要叫多一碟先夠。羊肉pizza呢個都值得推介，因為佢嘅羊肉調味的好香，充滿咗中東嘅香料味。薄荷春捲 魷魚圈炸得幾乾身，裡會又夠濕潤。海鮮中東面配忌廉汁呢個菜偏向西式，配搭搭中東面， 幾有趣喎唔錯。大概八點鐘左右，就會有美艷動人嘅跳舞女郎出嚟跳肚皮舞😍 老實講真係跳得幾好睇， 全場人都會畀佢吸引住望過去，氣氛好好。佢亦都會邀請在場嘅人士出嚟一齊跳 ，怕醜嘅我就冇啦，都係乖乖地坐喺度欣賞好了。