蛇王如蛇店 (Closed)

3Dec2007 1935多年前幫襯工聯會的蛇宴，到今時今日先至有緣在蛇舖食蛇宴，主理人安排我地在擺放部份雜物地方享受，以免滋擾其他食客。首先上場的是蛇羹，完全足料到乜野係叫展示實力，份量足以每人兩碗仲有剩，唔駛冬菇扮蛇肉，伴料如薄脆唔係好夠，我地無意中發現佢地成批十幾大袋放係附近，要幾多有幾多；炒龍衣其實就係蛇皮，要好食本身就要爽滑，這裡能做到了；蛇起完了肉及皮後，剩下骨段，這裡會用來炸，然後再落椒鹽炒，這就是五蛇碌，這裡炸得不夠徹底，否則連骨都可以食埋；在這裡食酸辣松鼠魚唔會有任何其物，但總算炸入入型入格，汁多一點及炸得再鬆化會更好。除魚外，與蛇宴最無關的食物便是黃油雞，但係最快搞掂的一味，嫩滑加雞味甚濃，人人皆愛；另一道令人有高潮的菜式就係差不多到尾聲的佛跳牆，別名叫蛇龜竹絲雞燉蛤蚧，又一實力之作，不只暖身，女食左聲都大的，男既就強身健體，主持人還將殘骸黎左幾幅大特寫。當晚唔夠其他人快冇食蛇腩、還有其他食物如郊外灼菜心，糯米飯及蛇酒，都差不多掃清，大家都盡興，最後還要多謝「beeleebala」及其伉儷請搭的士回巿區。