Whitewood Coffee (Closed)

之前有幾次都想嚟試，今日終於嚟咗，主要為咗食梳乎厘pancake，其他都係因為未食野肚餓所以叫嚟打低。主打既梳乎厘pancake，感覺好似食緊紙包蛋糕面個層燶燶地既野，好似，不過呢次係我第一次食梳乎厘pancake，所以唔知算係好定普通，遲啲會去其他地方試，再上載。硯肉意粉都幾好食，不過可以多少少汁，但唔係正宗意大利餐廳嚟講已經算係好好食，起碼一定好過是但一間日式西餐或者大型連鎖個啲汆到軟晒先加啲汁搞暈佢個啲意粉。All-day breakfast最surprise既地方係佢個兩塊麵包，好脆好好味，其他一般正常既all-day breakfast，可以再叫。第四個手指公比佢個兩塊包。兩杯咖啡，講真，好普通，但我本身唔係一個識飲咖啡既人，所以純粹普通個人感覺：我叫咗rose latte，佢杯latte 真係好latte，超多奶，但玫瑰味欠奉，不過都好飲，只係無乜玫瑰味。peppermint本身啲味好易出，所以就飲到，佢得意既地方係杯咖啡真係有啲唔同色，幾得意。服務：半自助式，自己斟水買野同拎餐具，所以唔洗加一，適合附近番學既大學生，定位幾好，叫完份餐會自己送過嚟亦都會幫你收，幾好，侍應(