永華麵家 (Closed)

每次經過灣仔永華都好多人，今日咁好彩唔駛排隊？即刻入去坐低，其實一早已決定食甚麼麵，但硬係要諗一陣先去叫水餃麵加腩汁，$42，呢度等碗麵都要唔少時間，不過慢功出細貨，唯有食住醃蘿蔔先，夠酸夠爽口，可能會更開胃！麵來了，先飲一口加有腩汁的大地魚湯，本應湯是好清的，但加了腩汁後，好香又好油，不過我鍾意，竹昇麵夠爽夠彈牙，不過仍有好少好少鹼水味，水餃夠大隻，包得實實又好咬口，皮算薄，內有蝦、豬肉、筍、木耳，又是我喜歡的水餃。