Espuma (H8) (Changed Hand) New Restaurant

成日都黎H8食野，不過今日係第一次黎呢間西班牙餐廳試下。入面環境裝修都唔錯，成間舖算闊落，坐得舒服。而家餐廳做緊promotion, 叫主菜有餐湯、蒜蓉包同埋飲品送，好抵食。上菜的時候先知原來叫呢碟青口有蒜蓉包送。四條蒜蓉包，望落去雖然好食，但係未擺落口已經覺得飽咗。青口嘅忌廉汁底偏鹹，就咁食會覺得太重口味，點少少蒜蓉包一齊食就啱啱好，都幾惹味。呢碟叫「前菜」的青口我覺得已經達到主菜的份量。呢個Pizza都算係驚喜，蜜糖芥茉甜甜地，配上佢嘅臘肉腸同芝士，又甜又鹹嘅味道擺落口啱啱好match，幾開胃，薄身嘅薄餅底唔會令人食滯，好食。仲有個西班牙海鮮飯，不過我哋唔記得影相。覺得係正常發揮。兩個人埋單四百零蚊，叫咗三道菜，整體來講我覺得都幾好食同埋價錢合理，會推介朋友黎食。