唐宮小聚 (新港中心)

Open Now

Now Closed

因為呢度可以多啲人一齊坐，雖然要用板隔住，但諗住一家人慶祝生日都唔錯，不過其實長枱好難傾計，加上回音好勁好嘈，講野要超級大聲。食物方面，我覺得有幾樣真係幾好的。個樣似梨入面類似鹹水角，入面係和牛，幾好食幾特別。跟住有乳鴿，我地每人食咗一隻，都真係好味。之後就係冰震咕嚕肉，都好特別。不過10個人食呢啲嘢係食唔飽，餐牌又冇其他好吸引嘅食物，叫咗個煲仔飯，勁鹹，仲有叫咗個菠蘿裝住嘅咖喱牛肉，呢個就合理，但都係唔飽。所以最後叫咗個都好似多人推介嘅叉燒和牛，一啲都唔得，得叉燒汁味同鹹。我記得之前食下午茶多啲選擇，晚餐真係普通。