敏華冰廳 (海趣坊)

Open Now

Now Closed

今日放假又無約朋友，一個人係屯門碼頭海濱公園跑步。跑完後，我又係醫肚的時候，行到海翠坊，見到敏華冰室有好多人等位，唔想等位，就叫咗個外賣返屋企食，我揀咗黯然銷魂飯跟一杯熱檸蜜，共$68。敏華嘅义燒雖然較深色，但勝在醃得夠入味，义燒係用新鮮梅頭豬肉製成的，肥瘦適中，厚切又夠淋，有4至5件。還有2隻半生熟雞蛋，煎得好香，米飯夠乾身又有咬口。篤穿蛋黃汁加埋祕製豉油，用嚟撈飯，十分好味。我最喜歡飲熱檸蜜，酸酸甜甜，鍾意佢夠滋潤。