暢和麵家 (Closed)

一人外賣午餐，同事推介我試吓呢一間嘅花雕雞米線，第一次嚟到呢間餐廳，睇吓佢哋餐牌有咩食先，有一個蝦子撈麵吸引到我，店員介紹我食一人套餐，我就選擇左呢個餐轉蝦子撈麵加$7，同事推介我食花雕雞，所以今次就叫咗花雕雞翼試吓，再要多個鮮肉雲吞。唔知係咪外賣關係，份量偏小，食完都唔夠飽。蝦子撈麵，偏鹹太乾，一定要加湯食。花雕雞翼，暖暖地，加上花雕湯，好味鮮肉雲吞 - 叫嗰時冇留意，以為係普通雲吞，點知剩係得肉喺入邊，有啲似食燒賣，本人不太喜歡。由於同事極力推介，所以今次有啲失望，下次試吓佢哋個花雕雞米線，睇吓會唔會好啲啦。