萍萍上海館

Open Now

Now Closed

是晚嚟咗長沙灣之友介紹嘅萍萍上海菜館試下，聽朋友講呢度又平又好食，晚晚都爆場㗎。先睇下餐牌，有幾個晚市套餐都好抵食喎，就叫兩set先，再加個甜品就完美啦。⭐例湯夥記話套餐有例湯送，是晚喺冬瓜豬骨湯，清清地都幾好飲喎。⭐水晶肴肉晶瑩剔透，鹹香鮮味，係好食喎😋⭐上海排骨菜飯排骨一大碟份量好多，炸得香口但略微乾身咗少少，菜飯粒粒米軟硬適中，仲啖啖有菜香添。⭐醬炒包心菜椰菜同雜菌炒成嘅醬炒包心菜，賣相雖然一般，但食爽甜好下飯👍⭐上海小籠包個個街坊都有叫嘅小籠包果然冇令人失望，小籠包入面湯汁飽滿肉餡鮮味，一口一件滋味無窮🤤⭐爆餡素春卷見餐牌有個春卷特價又叫咗一份試試，好大條春捲！入面有粉絲、椰菜、紅蘿蔔等，炸得香脆餡料清新，好好食呀😋⭐香酥豆沙鍋餅最後就係甜品豆沙鍋餅喇，同樣係即叫即炸，上枱時熱辣辣香噴噴，豆沙餡軟綿綿起曬沙，甜度啱啱好，正👍⭐凍豆漿跟餐仲有飲品送，叫咗兩杯凍豆漿，冰冰涼涼有豆香，唔錯呀。值得超飽好滿足，街坊果然冇講錯，又平又好食😘