堅信號上海生煎皇 (花園街) (Closed)

今日，突然之間想食生煎包，就同朋友嚟咗呢一間堅信號生煎皇，店舖細細間，位置唔多，所以要來食嘢都要早啲嚟，費事要排隊啦呢間餐廳有個超值晚市套餐，套餐包括左主菜、小食、菜類再加一個飲品，大約70幾蚊到，呢個價錢包咁多嘢真係抵到爛啦～所以我同友人都一人叫咗一個套餐我地叫咗四川擔擔麵、芝麻醬五彩伴冷麵、生煎包、京汁茄子、鮑汁生菜、鮑汁菜心仲有每人叫咗一杯豆漿四川擔擔麵同埋芝麻醬五彩伴冷麵都比我想像中好食，擔擔面都幾入味，芝麻醬冷麵味道唔錯，個人幾鍾意食生煎包好正，咬嘅時候啲汁爆曬出嚟，熱辣辣，幾好食京汁茄子又出乎意料地好食，佢個汁唔太鹹，反而甜甜地，食落好惹味鮑汁菜心同鮑汁生菜都冇咩可以挑剔，啲菜煮得啱啱好，唔會太過淋，好食！之後我哋仲嗌左一個永澤同學套餐，係包上面有永澤同學嘅樣，好鬼死得意，味道係奶皇包同綠茶豆沙包，味道都幾好嘅最後就係豆漿啦，豆漿唔會太甜，nice!總括而言，推薦大家去呢間餐廳～可以一試！