麺屋こころ

Open Now

Now Closed

聽朋友講荃灣有間好食嘅拉麵，今日就嚟試吓先，我呢個豆乳狂人一見到豆乳白味噌拉麵，就二話不說，即刻落單豆乳湯底濃郁，飄出豆乳嘅淡香味，而湯頭打成綿密泡沫狀態，呢種湯底口感我相當喜歡，拉麵麵條軟硬度適中，唔會太腍，但有少少咀嚼感-油揚吸滿豆乳湯既精華，外香內軟，啖啖滋味，令人不經意地好快完食一件叉燒大大片滿佈拉麵碗，油脂分布平均，肉質香嫩-叉燒撈麵嘅叉燒厚切，豚肉油香豐富，跟住建議食法一步一步食，先拌日本蛋，再拌黑胡椒，然後拌香醋開胃，一邊食，味覺層次一邊昇華，最後添加白飯，拌醬汁食又係另一番風味，推介比大家！！超好食又惹味🥰😌