中華小廚 (Closed)

冇咩人講外賣咁就不如等我今日分享下啦! 平時成日都係度堂食，但今日想早少少返屋企於是就叫左外賣，其實晚餐黎講佢都唔想貴，有好多款茶餐廳既飯麵都係$48左右，今日我就叫左個豆腐火腩飯睇下外賣會唔會有分別。叫完之後等左大約7-8分鐘已經有得攞，可能因為唔多人既關係(大約6:15PM)。開頭我都驚佢係咪整定出黎再返熱，邊有咁快手呀，點知返到屋企一開就聞到好香既豆腐火腩味，豆腐同埋火腩都分別有4大個同埋8-9舊。返屋企只係用左5分鐘左右，所有野都仲係熱辣辣，食得出係即整既而且質素非常好。豆腐有炸過而且好大舊，食落口係有外脆內軟既感覺，而火腩亦都好入味唔會過咸，不過當然唔會脆皮架啦。另外佢所用既飯盒都係比正常既大個，所以對我黎講好夠食，計埋價錢其實真係好抵，下次一定要試埋其他款!