伊斯坦堡特色轉燒肉餐廳

Open Now

Now Closed

最近試咗一間土耳其餐廳，真係好好味啊！我哋嗌咗燒烤雜錦同埋雞肉牛肉卷，啲肉夠嫩，燒得啱啱好，味道又香又濃郁，完全符合我對燒烤嘅期待！不過，最令我印象深刻嘅係佢哋嘅鹹乳酪。我平時唔太鍾意嗌乳酪，但係呢個鹹乳酪實在太好味啦！佢唔止係鹹，仲有一種特別嘅風味，又香又濃，我都唔知係用咗咩秘方做嘅，真係好開胃！個雞肉牛肉卷上枱嘅份量，有兩件加少少薯條，我心諗唔知夠唔夠食，使唔使再嗌其他嘢，食第一件嘅時都食到尾嘅時候，越食越慢，係好好食，唔想嘥嘅，所以點都想完成晒，但係越食越飽，最終竟然食唔晒。我都估唔到佢份量係咁足。整體而言係因為呢個份量太多，所以食唔晒。唔係唔好食食唔晒。我哋幾個都飽到，連本來想食既下午茶都食唔落。