Video
Read full review
2022-11-06
105 views
猶記得細個係酒樓食任食邊爐都津津有味，人大左就算係日式坐得舒服靚靚仔仔嘅火鍋放題，如果肉得個樣冇乜味都冇下次。 不過唔試都唔知龍與鳳，今晚初試Prime Grade極上牛頸脊套餐 ($388)，冇伏，值得再同屋企人黎。坐低即黎試試d肉，Prime Grade極上牛頸脊名不虛傳，雪花分布平均，燈光下油花真係好靚，重點係肉味真係濃又夠甘香，出面超市起碼賣緊一片十幾廿蚊。Prime Grade牛肩胛肉肉質扎實d，油脂冇咁多，相對牛味再濃d，我個人口味就專攻牛頸脊開心d。西班牙伊比利亞黑毛豬肉片好香甜有鮮味，同朋友一致認同難得地豬好食過牛。第二round開始明顯地肥左，同店員反映完得知唔同部位切出黎可以好唔同，仲心諗下轉指定要瘦d。 估唔到一食之下驚為天人，因為夠肥所以好軟滑，豬味好香濃，好開心之後keep住都係呢款，食左幾轉好過癮。丸都好有誠意，見到好多出面或者自己買都聞所未聞既款式。 平時不嬲鐘意芝心丸，火灸芝士丸比起一般食到嘅高級，面頭有少少燒過黃黃地咁好香。我覺得最特別嘅係奶油南瓜包，外面好似燒過嘅魚蛋咁已經幾吸引，咬開係幼滑creamy 嘅南瓜蓉，同南瓜湯一樣好香奶油味，值得一試。海
坐低即黎試試d肉，Prime Grade極上牛頸脊名不虛傳，雪花分布平均，燈光下油花真係好靚，重點係肉味真係濃又夠甘香，出面超市起碼賣緊一片十幾廿蚊。
Prime Grade牛肩胛肉肉質扎實d，油脂冇咁多，相對牛味再濃d，我個人口味就專攻牛頸脊開心d。
西班牙伊比利亞黑毛豬肉片好香甜有鮮味，同朋友一致認同難得地豬好食過牛。
第二round開始明顯地肥左，同店員反映完得知唔同部位切出黎可以好唔同，仲心諗下轉指定要瘦d。 估唔到一食之下驚為天人，因為夠肥所以好軟滑，豬味好香濃，好開心之後keep住都係呢款，食左幾轉好過癮。
丸都好有誠意，見到好多出面或者自己買都聞所未聞既款式。 平時不嬲鐘意芝心丸，火灸芝士丸比起一般食到嘅高級，面頭有少少燒過黃黃地咁好香。
我覺得最特別嘅係奶油南瓜包，外面好似燒過嘅魚蛋咁已經幾吸引，咬開係幼滑creamy 嘅南瓜蓉，同南瓜湯一樣好香奶油味，值得一試。
海鮮之中海蝦好唔錯，真係新鮮爽彈有蝦味，唔會混雜左霉肉個d，朋友少食蝦都話可以encore。
雪糕見到movenpick已經好開心，仲有好多新味揀，Movenpick楓葉糖合桃味雪糕冇令我失望，有粒粒合桃，中間夾左一層層楓糖漿，食得好滿足。
Post
