Video
Read full review
2023-02-11
27 views
早兩日上網睇到灣仔新開咗一間2層高嘅漢堡店，咁啱今日黎灣仔開會，12點去到冇乜人，可以安靜咁食餐飯原來呢間burger係香港首間有自家澳洲農場嘅漢堡店，製作全天然優質安格斯牛肉酸種包漢堡 (資料來自官方ig) 😬，我哋兩個人嗌咗一個set，另外加多左一個漢堡🍔N+ Classic Burger 我就揀咗最classic 嘅4oz 安格斯芝士漢堡，入邊有酸瓜、番茄、生菜，仲可以揀蒜蓉醬或者千島醬，不過我就想食original 冇醬嘅，個漢堡嚟到好靚呀，脹卜卜，個麵包好好食，甜甜地好似牛油餐包，好處係個包好乾身，唔會俾啲肉汁或者番茄汁浸到淋晒，我怕食啲好濕身嘅漢堡，呢個漢堡好處係好乾身，漢堡扒煎得好香好有肉味，就算全熟都好軟熟，成個包都砌得好好，唔會食食吓散晒😆🍔N+ Classic Burger with Bacon朋友叫嘅classic burger加煙肉，同我嗰個差唔多，都係冇落醬，因為多咗煙肉，所以味道多咗鹹香味，朋友鍾意食有肉汁嘅Burger，例如Five Guys，所以覺得呢個太乾身🍟跟餐叫咗薯條同埋可樂，薯條係粗薯條，可以揀BBQ sauce 或 honey mustard，
原來呢間burger係香港首間有自家澳洲農場嘅漢堡店，製作全天然優質安格斯牛肉酸種包漢堡 (資料來自官方ig) 😬，我哋兩個人嗌咗一個set，另外加多左一個漢堡
🍔N+ Classic Burger
我就揀咗最classic 嘅4oz 安格斯芝士漢堡，入邊有酸瓜、番茄、生菜，仲可以揀蒜蓉醬或者千島醬，不過我就想食original 冇醬嘅，個漢堡嚟到好靚呀，脹卜卜，個麵包好好食，甜甜地好似牛油餐包，好處係個包好乾身，唔會俾啲肉汁或者番茄汁浸到淋晒，我怕食啲好濕身嘅漢堡，呢個漢堡好處係好乾身，漢堡扒煎得好香好有肉味，就算全熟都好軟熟，成個包都砌得好好，唔會食食吓散晒😆
🍔N+ Classic Burger with Bacon
朋友叫嘅classic burger加煙肉，同我嗰個差唔多，都係冇落醬，因為多咗煙肉，所以味道多咗鹹香味，朋友鍾意食有肉汁嘅Burger，例如Five Guys，所以覺得呢個太乾身
🍟跟餐叫咗薯條同埋可樂，薯條係粗薯條，可以揀BBQ sauce 或 honey mustard，揀咗蜜糖芥末醬，同埋茄汁，薯條即叫即整，所以好熱同埋好脆，同埋我覺得薯條都係襯茄汁好食好多😁
呢度仲有兩個特別嘅burger就係6oz 日式芥末同埋黑松露醬，好想試吓黑松露🤤
Post
